Framhaldsskólapúlsinn nú á arabísku og spænsku

Arabíska og spænska hafa bæst í hóp þeirra tungumála sem Framhaldsskólapúlsinn hefur verið þýddur á. Spænska var þegar á meðal þeirra 9 tungumála sem boðið er upp á í nemendakönnun 6. – 10. bekkjar en arabískan er nýjung frá og með skólaárinu 2024-2025.

Uppsetning Framhaldsskólapúlsins á arabísku var skemmtileg áskorun þar sem taka þurfti tillit til þess að tungumálið er lesið frá hægri til vinstri. Örvar til að fletta á milli blaðsíðna þurftu því að miðast við það. Arabíska útgáfan var notendaprófuð af arabískumælandi einstaklingi til að fullvíst væri að engin smáatriði hefðu orðið útundan við yfirfærsluna.