Ný tungumál og aukafyrirlögn í nemendakönnun framhaldsskóla

Enskum og pólskum texta og talgervli hefur nú verið bætt við nemendakönnun framhaldsskóla auk íslenskunnar. Síðasta vetur komu fram óskir um að hægt væri að taka nemendakönnun Skólapúlsins á öðrum tímum en í nóvember. Til að verða við óskum um aukin sveigjanleika hefur verið ákveðið að færa könnunina fram um einn mánuð og bjóða uppá Skólapúlsinn í október í stað nóvember. Að auki verður boðið uppá að taka Skólapúlsinn aftur í apríl á hverju ári án aukakostnaðar. Skólum er frjálst að taka þátt í annarri mælingunni eða báðum allt eftir þörf fyrir niðurstöður inní innra mat skólans á hverjum stað. Dregið verður í 120 nemenda úrtak fyrir hvorn mánuð fyrir sig. Ef nemendafjöldi er lægri en 240 er boðið uppá að endurtaka könnunina fyrir sama úrtak í apríl. Einni skýrslu er skilað fyrir skólaárið í heild sinni og er hún fyrst gefin út í nóvember en síðan uppfærð í maí með niðurstöðum úr aprílfyrirlögninni. Í skýrslunni má sjá heilarársmeðaltöl sem og niðurstöður hvorrar mælingar fyrir sig. Skráning fer fram á síðunni skolapulsinn.is með netfangi skólastjóra (sjá leiðbeiningar hér https://skolapulsinn.is/um/?p=2593). Ítarlegar leiðbeiningar um framkvæmd könnunarinnar er að finna hér:https://skolapulsinn.is/um/?page_id=1502)